La Companhia Lo Pau Lo Tiau
La Companhia paulina Lo Pau Lo Tiau qu’a hèit renàisher las danças ditas de bastons ! En efeit, en 2014, lo grop de 8 dançaires amators acompanhat per musicians professionaus, tots passionats de danças e de musicas tradicionaus deu Bearn, que s’ei format a Pau, dens los Pirinèus Atlantics (64) ! Qu’èm, uei lo dia, hèra mei !!
Bastons colorats en man, la nosta tropa que balha a véder un espèctacle en exterior, ritmat, dinamic e gaujós. Dançaires e musicians, que preneràn plaser a har lo passèri per las arruas e los carreròts de la vòsta comuna, au son de l’acordeon e de las percussions !
La Companhia Lo Pau Lo Tiau qu’ei ua companhia mixta e intergeneracionau. Los escambis que son rics, agradius. La transmission que i ei hòrta pendent las nostas repeticions, que hèm au minimum tots 15 dias, en un ambient seriós e conviviau tà un detzenat de representacions per an.
Las coregrafias que presentam que son, tà la màger part creacions nostas, resultat de las nostas inspiracions collectius deu moment, dab la volontat constanta de valorizar lo repertòri de pas tradicionau gascon, lo noste repertòri commun tan preciós.
Despuish 2016, qu’escambiam las nostas practicas, dab 2 grops aragonés, « San Chusé » de Zaragoza e « Los danzantes de Sabiñánigo », pendent las nostas « encontres de danças pirinencas » annuaus.
Documents Lo Pau Lo Tiau
Tots los documents disponibles.
Fòtos Lo Pau Lo Tiau
Totas las fòtos deus nostes projèctes
Videos Lo Pau Lo Tiau
Totas las videos deus nostes projèctes.
Agenda
Presentacion de l’exposicion Los 400 años de los bailadores de Santa Orosia, Jaca-Aragon / Los 400 ans deus dançaires de Santa Orosia de Jaca-Aragon per Manuel Tomeo Turón, conceptor de l’expo dab visita comentada
Restitucion deu tribalh miat en musica-dança per los eslhèvas deu primari de Visanòst. Tà tot public, entrada libre
La MIAL qu’arcuelharà aquesta exposicion deu 20 de març au 2 d’abriu au parat de la manifestacion Zaradanze-Saradança, encontres de danças Bearn-Aragon
Expo tota recenta (2023) Grupo Folklórico Alto Aragón. Qu’ei beròi illustrada e documentada ( costumes, instruments de musica ,repertòri, rituaus de prestacions capvath la vila…) e que presenta las practicas de danças de castanhetas deu 16au sègle e la seguida dab las danças de bastons actuaus.
Liberet sintetic de presentacion a disposicion dab l’expo, tèxtes en castelhan dab arreviradas e versions audio en françés e en occitan via QR còdes.
Zaradanze-Saradança, encontres transfrontalèrs deu 20/03 au 02/04/2025
Divés 28/03 : Jornada d’encontres a l’entorn de la dança dab universitaris e expèrts deus 2 costats deus Pirinèus.
Las fonccions sociaus de las danças tradicionaus e las perspectivas de creacion.
10h45-12h15: projeccion deu film Beyond Flamenco, la jota de Carlos Saura. Presentacion per Fernando Gabarrús, musician aragonés.
14h-18h: presentacions,taula-redonda e conferéncia dançada dab
Luis-Miguel Bajén (Zaragoza-Aragon)
Eliane Crouzet (Lo Cèu de Pau)
Fernando Gabarrús y Alquézar (Zaragoza-Aragon)
Jon Olazcuaga-Garibald ( Maritzuli Konpainia, Biàrritz)
Crestian Josuèr (Ass Amistança-Amistanza, Pau)
Christian Frappa, Sarah Serec (Puèi de Velai, Auvernha).
Frédéric Cavallin (Ass Amistança-Amistanza)
Jornada organizada en collaboracion dab lo CIRDOC, Institut Occitan.
Entrada libre !
Concèrt Crestian Josuèr solo
Talhèrs acordeon diatonic dab Crestian Josuèr.
Talhèr de dança dab Françoise Raffin (Lo Paulotiau – Pau)
Crestian Josuèr