La Companhia Crestian Josuèr

La Companhia Crestian Josuèr que vadó en 1999, tà la preparacion deu disc « Branlo Navèth ».

Qu’ei animada per Crestian Josuèr musician poli-instrumentista, d’expression occitana (gascon), francesa e castelhana.

Qu’ei especialista de las flabutas de 3 horats e deus tamborins de còrdas (co-autor d’un metòd sus aqueste instrument). Que s’ac vira plan dab l’acordeon diatonic, que s’ensaja a la votz e que’s serveish de percussions tradicionaus deu sud d’Euròpa. (Véder C.V.)

Catí Rambaud, Mila Doltz, Luis Miguel Bajén, Frédéric Cavallin, Crestian Josuèr, Patrick Vaillant, Daniel Malavergne, Jean Christophe Schmidt

La Companhia que’vs perpausa diferentas formulas de concèrts e de bals gascons dab, a còp, influéncias deus nostes vesins pirinencs e subertot :

Concèrt Trio : Crestian Josuèr, Frédéric Cavallin, de Tolosa (a la bateria, percussions e tabla, véder C.V.) e Daniel Malavergne d’Alès (au tuba).

Aqueste concèrt qu’ei ua passejada per los Pirinèus, d’oèst en èst, com deu nòrd au sud, sus aires tradicionaus o sus composicions de Crestian Josuèr.

Lo riquèr deu trio que vien de la confrontacion, de l’armonia enter los diferents instruments e de la grana rencontre dab las tabla indianas, Frédéric que’n ei expèrt.

D’autas formulas de la Companhia qu’existen, que van deu solo, duo, trio… au quintet, dab tanben lo « bal à 2 étages » dab 4 dançaires sus l’empont.